Show Posts

This section allows you to view all posts made by this member. Note that you can only see posts made in areas you currently have access to.


Topics - abdbundeli

Pages: 1 [2] 3 4 ... 12
16
Ghazals / Kaash woh, khair 'abd' kee bhee leyn!
« on: September 02, 2012, 08:30:15 PM »
Hamsafar, kyoun na aaj bhee jee leyn?
Kal qayaamat hai, aaj to pee leyn!

Baad-e-mashriq hai itrayez abhee,
Doob baanhoun mein kyoun na jhapkee leyn?

Nisf taareek-shab kahey hai kyaa?
Kyoun tasawwur ki ham na thapkee leyn?

Log ghaayal hain, bah rahaa hai lahuu;
Qasb hain khud key: chalo khud see leyn?

Dour-e-hijraan hai rawaan dahroun sey:
Kaash woh, khair 'abd'  kee bhee leyn!

               - abd bundeli

17
Ghazals / Ham ko waisey bhi kaheen chain naheen!
« on: August 31, 2012, 11:01:24 AM »
Baarahaa muskuraa rahey hain aap!
Kyoun bhalaa zulm dhaa rahey hain aap?

Hosh jaataa hai, roo-b-roo hotey:
Jaam bhar-bhar pilaa rahey hain aap?

Deyr tak aks dey uyoonoun kaa;
May mein, yeh kyaa milaa rahey hain aap?

Ham ko waisey bhi kaheen chain naheen;
Aur us par, sataa rahey hain aap!

Hai jagah khoob, 'abd' pahloo mein:
Bulaa rahaa hun, jaa rahey hain aap!

                  - abd bundeli

18
Ghazals / Dard kaa sab pai asar hotaa hai!
« on: August 28, 2012, 06:49:57 PM »


Roshanee kyoun meyri chaahee deyngey?
Abra to, abra hain: syaahee deyngey!

Dard kaa sab pai asar hotaa hai!
Phool-pattey bhi gawaahee deyngey!!

Sakht hai husn pai pahreydaaree:
Khabar sanam ki sipaahee deyngey!

Aaj aanaa zaroor, mouqaa hai;
Ham tumhain da'awat-e-shaahee deyngey!

Mat qayaamat ki, 'abd', baat karo:
May bharee aik suraahee deyngey!

              - abd bundeli 

19

Dosto! Paawas key in 'badreeley' dinon kee chhaayaa mein, aik Bundeli geet prastut hai! Ummeed hai maahoul mein thodi aur rangat aayegee!

Abhuun aaye na sajanwaan:
Sakhee ri mori, baadar garjyo!

Purwaiyaa lahree, tan-man kon jurhaay, gayee!
Paachhuun-paachhuun ghahree barkhaa rut aay gayee!
Rimjhim barsee rah-rah baadariyaa chaayee nayee;
Naa jaaneyn sanyaan kon, koun kitey bhaay gayee?

Abhuun aaye na gawanwaan:
Sakhee ri mori, baadar garjyo!

Maatee mein chhupey beej taak-jhaank kar ubhrey!
Nayee-nayee doobaa neyn, naye harey rang bharey!
Naany-maany firey hawaa, ghoom-ghoom jaaye;
Lageen jharan bundiyaan, to, birhin key nain jharey!

Abhuun aaye na balamwaan:
Sakhee ri mori, baadar garjyo!

                - Ramwatiya /abd bundeli

20
Ghazals / Bazm kee nazar-e-inaayat abhee bhi baaqee hai!
« on: August 11, 2012, 03:23:44 PM »

Nazm kaa dour-e-sama'at abhee bhi baaqee hai!
Bazm kee nazar-e-inaayat abhee bhi baaqee hai!!

Kah rahaa hun azal sey roz, tum nahin suntey:
Koun saa lafz-e-salaasat abhee bhi baaqee hai?

Tum ney naacheez-ae-kalaam ko bhi 'khoob' kahaa!
Kyaa koyi aur sharaarat abhee bhi baaqee hai?

Log kahtey hain, samajhtey ho tum ishaarey bhee:
Kyaa koyi rasm-e-adaawat abhee bhi baaqee hai?

Kahaa nazar sey, jubaan sey, to kabhee lab sey bhee,
Kyaa, 'abd', jhijhak-o-nadaamat abhee bhi baaqee hai?

                                 - abd bundeli

21
Ghazals / Har simt deykhtaa hun qayaamat kee khoonkasee!
« on: August 09, 2012, 11:49:45 AM »
Ab tujhsey kyaa chhupaauun dour-e-qabra ugey doob?
Yeh sach hai, saaqiyah pilaa chukee hai mujhey khoob!

In lamhoun kaa bhi zikra karuungaa zaroor main;
Kyoun dour-e-noor-e-husn sey hoti naheen hai oob?

Har simt deykhtaa hun qayaamat kee khoonkasee:
Kyaa ho gayaa hai aaj aadmee ko, ay Aiyoob*!

Dikhtey hain laamband kabhee mashriq-o-shimaal;
Lagtey hain laamband kabhee magrib-o-junoob!

Hai door aashiyaanah-ae-bakaa, ao' nazar-e-naaz!
Bahr-e-uyoon mein na, sanam, jaaye 'abd' doob?

*Aik paigambar kaa naam, jinhain beyintihaa sabramand (sabra-e-Aiyoob) kahaa jaataa hai! Wey sabra-o-shukra key himaayatee kahey jaatey hain!

- abd bundeli

22
Ghazals / Tumhain naa sunaauun, to, kis sey kahuun?
« on: August 07, 2012, 08:37:39 PM »
Wahee paalkee hai, wahee yaar hai!
Muhabbat sarey bazm beyzaar hai!!

Tumhain naa sunaauun, to, kis sey kahuun?
Yahee aakhiree waqt-e-deedaar hai!

Usey, waqt-e-meelaad hai, bakhs do:
Wo maa hai kisee kal kee, kirdaar hai!

Wo insaan hai, yaa tukhm-e-shaitaan hai?
Mazaalim, darindoun-saa khoonkhaar hai!

Kahaan thhour hai ab 'abd' key liye?
Majaaroun key meyley mein gamkhwaar hai!

-abd bundeli

23
Ghazals / Kahaan hai ; kahaan ham khudee khoj leyn?
« on: August 03, 2012, 02:05:52 PM »
Nayee hai dagar: hamsafar hai nayaa!
Shuroo hee huaa hai abhee waaqiyaa!!

Kahaan hai ; kahaan ham khudee khoj leyn:
Sajey taaziyon mein mileygaa bhi kyaa?

Rahey saath dahroun: na jaanaa magar,
Ki, pahloonasheen hain hamaarey piyaa!

Naye pairahan kee barhee chaah mein,
Kafan dar kafan roj ham ney siyaa!

Muhabbat key nagmoun kaa aashiq hun main;
Magar, gaa rahaa huun, 'abd', marsiyaa!

         - abd bundeli

24
Ghazals / Koun kahtaa hai, 'Zindagee kam hai'?
« on: August 01, 2012, 01:56:18 PM »
Khush raho, khoob jiyo, khoob jiyo!
Zindagee kaa hareik ghoont piyo!!

Koun kahtaa hai, 'Zindagee kam hai'?
Din hain, raateyn hain, zeyhn kee pariyo!

Woh ishaaroun mujhey bulaataa hai:
Chup na rahnaa, basheer baansuriyo!

Aa rahey hain sanam safeeney sey:
Kyoun kinaaron sey door ho, nadiyo!

Khoon bahtaa hai, 'abd', bah jaaye:
Qasb hain, par tabeeb, tum na siyo!

             - abd bundeli

25
Original Love Shayari by Original Shayars / Saawan beet na jaay!
« on: July 29, 2012, 12:14:16 PM »
Aao barso aaj ghan,
Fasal rahee kumhlaay!
Bin barsey hee, ras-bharaa
Saawan beet na jaay!!

   - Ramwatiya / abd bundeli

26
Ghazals / Baarahaa uth, galey lagaataa huun!
« on: July 19, 2012, 08:09:42 PM »
Main shab-o-roj gungunaataa huun!
Unkey charchey unhain sunaataa huun!!

Baarahaa baad-e-sabaa aatee hai:
Baarahaa uth, galey lagaataa huun!

Geet suntaa hun andleeboun key;
Aur fir, sur mein sur milaataa huun!

Beech shajaroun key jaa phunchtaa huun;
Sang pattoun key, tumhain gaataa huun!

Saanjh hotey hi tumhain neend aatee:
Baahuoun mein, 'abd', jhulaataa huun!

- abd bundeli

27

Kyaa hee gazab adaa, 'abd',
Hai teyree, maboob!
Dahar guzaarey deykhtey,
Fir bhee sakaa na oob!!

    - abd bundeli

28
Main ney adhroun sey chhuaa,
Aur, rahey tum mook!
Tab sey tan-man mein satat
Rahee kokilaa kook!!

 - Ramwatiya / abd bundeli

29
Ghazals / Bulbuloun sey guloun ki yaaree hai!
« on: June 04, 2012, 12:15:22 PM »


Bulbuloun sey guloun ki yaaree hai!
Mehdi-ae-nazm-o-gazal jaaree hai!!

Khuld ki moosiqee zubaan par hai:
Dour-e-azmat hai, sabuksaaree hai!

Bin piye hee nashey mein hain gunchey;
Kis tarannum ki yeh khumaaree hai!

Baankpan aa gayaa hai raagoun mein;
Gam sey beydam ko gamgusaaree hai!

Pattey-pattey mein hai nihaan sargam;
Kyaa haqeeqat, 'abd', tumhaaree hai?

             - abd bundeli  
 

30
Friendship Shayari / Nazar mein hai agar jahaan dostee key liye!
« on: May 20, 2012, 12:40:10 PM »

Nazar mein hai agar jahaan dostee key liye!
Mileyngey laakh qadradaan dostee key liye!!

     - abd bundeli

Pages: 1 [2] 3 4 ... 12