Show Posts

This section allows you to view all posts made by this member. Note that you can only see posts made in areas you currently have access to.


Messages - abdbundeli

Pages: 1 [2] 3 4 ... 37
16
Ghazals / Re: Chaand nikleygaa dhundhalkey mein aaj shaam key ba'ad!
« on: September 25, 2012, 01:15:18 PM »
wah wah, bahut hi khoob likha hai aapne Abd ji..

Shukriyah, Jags ji!

17
Ghazals / Shart itnee hai, muskuraao tum!
« on: September 08, 2012, 05:12:44 PM »

Teej-tyohaar har, manaao tum!
Shart itnee hai, muskuraao tum!!

Jaan lo, a'am aadmee hain ham:
Khaas rishtoun ko mat bhulaao tum!

Gaa rahey mast parindey kab sey:
Chaahtaa hun, ki, gungunaao tum!

Baat kartee ho: phool khiltey hain:
Muntazir huun, ki, kuchh sunaao tum!
 
Beet jaaye na nisf shab yuun hee:
Ho kahaan par? Qareeb aao tum!

Is sey pahley kabhee huaa ho to,
Waayadey par, 'abd', na aao tum!

               - abd bundeli

18
Ghazals / Chaand nikleygaa dhundhalkey mein aaj shaam key ba'ad!
« on: September 05, 2012, 05:41:35 PM »

Chaand nikleygaa dhundhalkey mein aaj shaam key ba'ad!
Kuchh nayaa hogaa mahalley mein aaj shaam key ba'ad!!

Raat hotey hee, sarey baam roshnee hogee;
Shama'a jaleygi nahin, go ki, aaj shaam key ba'ad!

Kiskey aaney ki khabar sey hain shajar-o-gul mushtaaq?
Kiskey koochey mein tahal hogee aaj shaam key ba'ad?

Un ney, haalaanki, hamain ittilaa nahin dee hai;
Fir bhi, ham bhi wahin pahuncheyngey aaj shaam key ba'ad!

'Abd' andheyroun-ujaaloun mein jang hai jaaree;
Na jeet paayegaa andhiyaaraa, aaj shaam key ba'ad!

                       - abd bundeli

19
Ghazals / Maajaraa-e-jigar hai: idhar aaiye!
« on: September 04, 2012, 06:56:15 PM »
Door sey hi, kharhey yuun na muskaaiye!
Maajaraa-e-jigar hai: idhar aaiye!!

Din guzartaa hai yuun, raat aatee hai yuun:
Husn sey apney, yeh ghar sajaa jaaiye!!

Kyoun jalaatee hain shahnaaiyaan raat mein?
Hai andheyraa, shama'a hee jalaa jaaiye!

Raabtaa bhee zarooree hai islaah ko!
Kam-sey-kam aaj tashreef to laaiye!!

Main jahaan huun, waheen maykadah hai, 'abd',
Arq-e-shabnam hai yeh, nosh farmaaiye!

               - abd bundeli

20
Ghazals / Kaash woh, khair 'abd' kee bhee leyn!
« on: September 02, 2012, 08:30:15 PM »
Hamsafar, kyoun na aaj bhee jee leyn?
Kal qayaamat hai, aaj to pee leyn!

Baad-e-mashriq hai itrayez abhee,
Doob baanhoun mein kyoun na jhapkee leyn?

Nisf taareek-shab kahey hai kyaa?
Kyoun tasawwur ki ham na thapkee leyn?

Log ghaayal hain, bah rahaa hai lahuu;
Qasb hain khud key: chalo khud see leyn?

Dour-e-hijraan hai rawaan dahroun sey:
Kaash woh, khair 'abd'  kee bhee leyn!

               - abd bundeli

21
Ghazals / Ham ko waisey bhi kaheen chain naheen!
« on: August 31, 2012, 11:01:24 AM »
Baarahaa muskuraa rahey hain aap!
Kyoun bhalaa zulm dhaa rahey hain aap?

Hosh jaataa hai, roo-b-roo hotey:
Jaam bhar-bhar pilaa rahey hain aap?

Deyr tak aks dey uyoonoun kaa;
May mein, yeh kyaa milaa rahey hain aap?

Ham ko waisey bhi kaheen chain naheen;
Aur us par, sataa rahey hain aap!

Hai jagah khoob, 'abd' pahloo mein:
Bulaa rahaa hun, jaa rahey hain aap!

                  - abd bundeli

22
Ghazals / Dard kaa sab pai asar hotaa hai!
« on: August 28, 2012, 06:49:57 PM »


Roshanee kyoun meyri chaahee deyngey?
Abra to, abra hain: syaahee deyngey!

Dard kaa sab pai asar hotaa hai!
Phool-pattey bhi gawaahee deyngey!!

Sakht hai husn pai pahreydaaree:
Khabar sanam ki sipaahee deyngey!

Aaj aanaa zaroor, mouqaa hai;
Ham tumhain da'awat-e-shaahee deyngey!

Mat qayaamat ki, 'abd', baat karo:
May bharee aik suraahee deyngey!

              - abd bundeli 

23

Dosto! Paawas key in 'badreeley' dinon kee chhaayaa mein, aik Bundeli geet prastut hai! Ummeed hai maahoul mein thodi aur rangat aayegee!

Abhuun aaye na sajanwaan:
Sakhee ri mori, baadar garjyo!

Purwaiyaa lahree, tan-man kon jurhaay, gayee!
Paachhuun-paachhuun ghahree barkhaa rut aay gayee!
Rimjhim barsee rah-rah baadariyaa chaayee nayee;
Naa jaaneyn sanyaan kon, koun kitey bhaay gayee?

Abhuun aaye na gawanwaan:
Sakhee ri mori, baadar garjyo!

Maatee mein chhupey beej taak-jhaank kar ubhrey!
Nayee-nayee doobaa neyn, naye harey rang bharey!
Naany-maany firey hawaa, ghoom-ghoom jaaye;
Lageen jharan bundiyaan, to, birhin key nain jharey!

Abhuun aaye na balamwaan:
Sakhee ri mori, baadar garjyo!

                - Ramwatiya /abd bundeli

24
Ghazals / Bazm kee nazar-e-inaayat abhee bhi baaqee hai!
« on: August 11, 2012, 03:23:44 PM »

Nazm kaa dour-e-sama'at abhee bhi baaqee hai!
Bazm kee nazar-e-inaayat abhee bhi baaqee hai!!

Kah rahaa hun azal sey roz, tum nahin suntey:
Koun saa lafz-e-salaasat abhee bhi baaqee hai?

Tum ney naacheez-ae-kalaam ko bhi 'khoob' kahaa!
Kyaa koyi aur sharaarat abhee bhi baaqee hai?

Log kahtey hain, samajhtey ho tum ishaarey bhee:
Kyaa koyi rasm-e-adaawat abhee bhi baaqee hai?

Kahaa nazar sey, jubaan sey, to kabhee lab sey bhee,
Kyaa, 'abd', jhijhak-o-nadaamat abhee bhi baaqee hai?

                                 - abd bundeli

25
Ghazals / Har simt deykhtaa hun qayaamat kee khoonkasee!
« on: August 09, 2012, 11:49:45 AM »
Ab tujhsey kyaa chhupaauun dour-e-qabra ugey doob?
Yeh sach hai, saaqiyah pilaa chukee hai mujhey khoob!

In lamhoun kaa bhi zikra karuungaa zaroor main;
Kyoun dour-e-noor-e-husn sey hoti naheen hai oob?

Har simt deykhtaa hun qayaamat kee khoonkasee:
Kyaa ho gayaa hai aaj aadmee ko, ay Aiyoob*!

Dikhtey hain laamband kabhee mashriq-o-shimaal;
Lagtey hain laamband kabhee magrib-o-junoob!

Hai door aashiyaanah-ae-bakaa, ao' nazar-e-naaz!
Bahr-e-uyoon mein na, sanam, jaaye 'abd' doob?

*Aik paigambar kaa naam, jinhain beyintihaa sabramand (sabra-e-Aiyoob) kahaa jaataa hai! Wey sabra-o-shukra key himaayatee kahey jaatey hain!

- abd bundeli

26
Ghazals / Tumhain naa sunaauun, to, kis sey kahuun?
« on: August 07, 2012, 08:37:39 PM »
Wahee paalkee hai, wahee yaar hai!
Muhabbat sarey bazm beyzaar hai!!

Tumhain naa sunaauun, to, kis sey kahuun?
Yahee aakhiree waqt-e-deedaar hai!

Usey, waqt-e-meelaad hai, bakhs do:
Wo maa hai kisee kal kee, kirdaar hai!

Wo insaan hai, yaa tukhm-e-shaitaan hai?
Mazaalim, darindoun-saa khoonkhaar hai!

Kahaan thhour hai ab 'abd' key liye?
Majaaroun key meyley mein gamkhwaar hai!

-abd bundeli

27
Ghazals / Re: Kahaan hai ; kahaan ham khudee khoj leyn?
« on: August 04, 2012, 06:53:35 PM »
Very nice one..Thanks for sharing

Thanks, Sayeed bhai!

28
Ghazals / Kahaan hai ; kahaan ham khudee khoj leyn?
« on: August 03, 2012, 02:05:52 PM »
Nayee hai dagar: hamsafar hai nayaa!
Shuroo hee huaa hai abhee waaqiyaa!!

Kahaan hai ; kahaan ham khudee khoj leyn:
Sajey taaziyon mein mileygaa bhi kyaa?

Rahey saath dahroun: na jaanaa magar,
Ki, pahloonasheen hain hamaarey piyaa!

Naye pairahan kee barhee chaah mein,
Kafan dar kafan roj ham ney siyaa!

Muhabbat key nagmoun kaa aashiq hun main;
Magar, gaa rahaa huun, 'abd', marsiyaa!

         - abd bundeli

29
Ghazals / Koun kahtaa hai, 'Zindagee kam hai'?
« on: August 01, 2012, 01:56:18 PM »
Khush raho, khoob jiyo, khoob jiyo!
Zindagee kaa hareik ghoont piyo!!

Koun kahtaa hai, 'Zindagee kam hai'?
Din hain, raateyn hain, zeyhn kee pariyo!

Woh ishaaroun mujhey bulaataa hai:
Chup na rahnaa, basheer baansuriyo!

Aa rahey hain sanam safeeney sey:
Kyoun kinaaron sey door ho, nadiyo!

Khoon bahtaa hai, 'abd', bah jaaye:
Qasb hain, par tabeeb, tum na siyo!

             - abd bundeli

30
Original Love Shayari by Original Shayars / Re: Saawan beet na jaay!
« on: August 01, 2012, 01:54:34 PM »
Good one..Thanks

It's my pleasure, Sayeed ji!

Pages: 1 [2] 3 4 ... 37